साइनो समाचारदाता/ पथरी, ५ असोज ।
पाँचौ मिस्टर काठमाडौं शारीरिक सुगठनका विजेता प्रकाश राईको शोकमा उनको गृह नगर पथरीशनिश्चरेले १ दिने शोक बिदा घोषणा गरेको छ । बुधबार ह्रदयघातका कारण निदन भएका राईको शनिबार पथरीशनिश्चरेमा अन्त्यष्टी गरिन लागेको हो । शनिबार बिहान नगरपालिका कार्यालय पथरीमा श्रद्धाञ्जलीका लागि राईको शबलाई राखिने भएको छ ।
राईको दिउँसो सम्म श्रद्धाञ्जली गरिने र पथरीखोला उत्तर जंगलमा किराँती संस्कार अनुरुप अन्तिम दाहसंस्कार गरिने परिवारजनले जनाएको छ । नगरपालिकाले शुक्रबार सुचना प्रकाशित गर्दै राईको शोकमा आइतबार नगर भित्र स्थानिय बिदा दिने घोषणा गरेको छ । नगर प्रबक्ता नवीन कार्कीका अनुसार राईलाई नगरले उच्च सम्मान गर्दै शनिबार श्रद्धाञ्जली सभा र आइतबार बिदा दिने निर्णय गरेको हो ।
गत शनिबार मात्र उनले शारीरिक सुगठन प्रतियोगितामा स्वर्ण जितेका थिए। राईको शब शनिबार मात्रै पथरी ल्याई पुर्याइने भएको छ । राईले मिस्टर काठमाडौं प्रतियोगितामा ७५ केजीभन्दा माथिको तौल समूहमा स्वर्ण जितेका थिए।
