७५ बर्षमा नागरिक्ता प्राप्त गरिन भिम मायाले

 साइनो समाचारदातारपथरी, २९ भाद्र
७५ बर्षको उमेरमा भिम माया तामाङ श्रेष्ठले नागरिक्ता प्राप्त गर्नु भएको छ । ७५ बर्ष सम्म नागरिक्ताबाट बन्चित भिममायाको नेपाली नागरिक बन्ने ईच्छा पुरा भएको छ । मोरङको पथरी शनिश्चरे ९९ मा बसोबास गर्दै आउनु भएकी भिममाया २०७७ सालमा श्रिमान कुल बहादुर श्रेष्ठको मृत्यू पछी एक्लै बस्दै आउनु भएको थियो । नागरिक्त्त पाए संगै उहाँको मुहारमा खुसी छाएको छ ।

भिममाया श्रेष्ठले जिल्ला प्रशासन कार्यालय मोरङबाट ०५-०१-८१-०८२०४ नम्वरको नागरिक्ता प्राप्त गर्नु भएको हो । उहाँलाई मोरङका प्रमुख जिल्ला अधिकारी प्रेम प्रसाद भट्टराईले नागरिक्ता प्रदान गरेनु भएको छ । प्रमुख जिल्ला अधिकारी भट्टराईले नेपाल भित्रै विभिन्न कारणले नागरित्ताबाट बन्चित भएका नेपाली नागरीकले नगरित्ता पाउनु पर्ने बताउदै जिल्ला प्रसासन कार्यलयबाटै सबै पहल गरि नगरिक्त्त प्रदान गर्नु भएको थियो । नागरिकता प्राप्ति संगै उहाँले राज्यबाट पाउने सामाजिक सुरक्षा भत्ता र स्वास्थय विमा समेत पाउनु हुने भएकफ छ ।

भिममायाको नागरिकता प्राप्तिका लागि पथरी शनिश्चरे वडा नं–९ कार्यालयले सिफारिस गरेको छ भने भदा रामकुमार राईले सनाखत गरेका छन । भिममाया श्रेष्ठलाई नागरिक्त्त दिलाउन नेकपा एमालेका केन्द्रिय सदस्य युवराज बास्कोटा, नेकपा एमाले पथरी शनिश्चरे नगरपालीका वडा नं १० का वडाध्यक्षा पर्वत थापा संचारकर्मी गोपाल काफ्ले, ब्रुव भट्टराई र स्थानिय समाजसेवी उर्मिला महराले सहजीकरण गरेका थिए । एक बर्ष देखि भिममाया तामाङ श्रेष्ठ नागरिक्ताबाट बन्चित भएको र नागरिक्ता दिलाउन पहल संगै साइनो खवरले समाचार लेख्दै आएको थियो । स्थानिय समाजसेवी उर्मिला महराको पहलमा साइनो खवरका संचारकर्मी गोपाल काफ्लेले नागरिक्ता दिलाउन लागि परेका थिए ।