पथरी, २७ भाद्र/ पथरी वजारको मुख्य बजारबाट दक्षीण लाग्ने हो भने देखीन्छन् अव्यावस्थीत रुपमा ‘पार्किङ्ग’ गरिएका अटोहरु । यि अटोहरुले यस नगरका जनप्रतिनिधी र यहाको कानुलाई रत्तिभर पनि पल्याउदैन्न । यी अटोको अटेरीपनले गर्दा पथरी बजार अस्तव्यास्त मात्र हैन कुरुप नै बनेको छ । अटोको अटेरिले यहाँ आउने यात्रुले सास्ती समेत खेप्नु परेको छैन दुर्घटनाको सिकार पनी बन्नु परेको छ ।
पुर्व पश्चिम महेन्देर राजमार्ग आस पास अटो र सफारीले स्टेन बनाउनाले यात्रा गर्ने यात्रु र बाटो काट्ने बटुवाहरुलाई समस्या हुने गरेको छ । यता ठुलो मुल्य तिरेर सटहर भाडामा लिए पनि पसलै बल्क गरेर बसेका हुन्छन । पथरीको मुख्य बजार लाग्ने दक्षिण तर्फ लाग्दा असरल्ल रहने अटोको व्यावस्थापन नगरपालिकाले नगर्दा समस्या आएको अटोका चालकहरु बताउछन् । ‘अटोको लागी पार्किङ स्थल नगरले बनाइदिए उत्तर दक्षिण सडकमा यसरी अटो र सफारी राख्नु पर्दैन थियो’ एक अटोका चालकले भने ‘यात्रु चडाउन पनि मुख्य बजारमै आश्रीत हुनु परेको हो’ ।
सडकमा अटोको पार्किङ व्यवस्थीत नहुदा स्थानिय व्यापारीले समेत सास्ती व्योहोर्नु परेको छ । पसल अगाडी नै विहान देखी वेलुका सम्म अटो र सफारी पार्किङ्ग गर्नेले व्यापारमा अवरोध भएको पथरीवजारमा फलफुलको पसल संन्चालन गर्दै आएका व्यापारीले वताए । यात्रु चठाउन अटो र सफारीका चालकले गर्ने लुछाचुडीले यात्रुलाई त सास्ती छदै छ त्यस माथी पसल सन्चालन गरेर वस्ने व्यापारीलाई समेत समस्या भएको छ ।
नगरले जताभावी पार्कीङ्गका लागी रोक लगाएपनि अटो सफारीले अटेर गर्ने गरेका कारण समस्या आएको हो । वस स्टेसन समेत परिर्वतन गरेको अवस्थामा पनि पुरानो पश्चिम वस स्टेशन दक्षिणको सडकमा अटो र सफारी पार्किङ्ग गर्ने गरेका छन् । नगरपालिकाले हटाउन नै सक्दैन स्थानियवासी भन्छन् । जनप्रतिनिधीकै अटो र सफारी चालकलाई संरक्षण रहेका कारण यो समस्या आएको हो । पथरीशनिश्चरे १ नम्वर वडाका वडा सदस्य पुर्ण कार्की नै पथरीको भुल्के मोरङ्ग यातायात प्रालीका अध्यक्ष हुन् । उनकै कारण पनि अटो तथा सफारी चालकहरु अटेरी बनेको केहि यातायातकर्मी वताउछन् ।
यातायातकर्मीका अनुसार विना सवारी चालक प्रमाण पत्र वेगर पनि वेपवाह सडकमा अटो सफारी कुदाउने चालकले नै सडकमा जताभावी पार्किङ्ग गर्नाले समस्या थपेका छन् । यसवारेमा ट्राफिक प्रहरी पनि वेखवर जस्तै छ । ट्राफिक प्रहरी पथरी अटो तथा सफारीलाई व्यावस्थीत वनाउन प्रयास गरिरहेको वताउछ तर व्यावहारमा त्यस्तो नदेखीएको व्यावसायीहरु बताउछन् ।
ट्राफिक प्रहरीले पनि यातायातका सन्चालक संग ‘खर्च’ उठाउने र सवारी चालकले लापरवाही गरे पनि ‘आखाँ चिम्लिने’ गरेको स्थानिय सरोकारवालाको आरोप रहेको छ ।
पथरीशनिश्चरे नगरपालिकाले अटो तथा सफारी चालकलाई व्यावस्थीत गर्न प्रयास थालेपनि सो प्रयास सार्थक बन्न सकेको छैन् जसले गर्दा ट्राफिक व्यावस्थापन मै समस्या भएको छ भने दुर्घटनाको सम्भावना समेत वडेको छ ।
पथरीमा ४ सय भन्दा वडि अटो तथा सफारी सन्चालनमा रहेका छन् । अटो तथा सफारीको संख्या वडेपनि पार्किङ्गका लागी उपयुक्त स्थान नहुदा समस्या भएको हो । यसलाई तत्काल समाधान नगरे पथरी बजार आवतजावत गर्ने लाई समस्या हुने निस्चित छ ।
पटक पटक अटोलाई व्यावस्थीत गर्न प्रयास गरे पनि यसले सार्थकता पाउन सकेको छैन् । नगरपालिका र ट्राफिक प्रहरीले भुमीका खेल्नु पर्ने स्थानियवासीको भनाइ रहेको छ । एक सफारी चालकका अनुसार सफारी र अटोकै कारण दुर्घटना वडेका छन् भने जोखीम उत्तीकै छ यसको नियन्त्रणका लागी कसैले भुमीका खेलेकै छैन् ।
पथरी वजारको जताततै अव्यावस्थीत रुपमा पार्कीङ्ग गरिएका अटो र सफारीको नियन्त्रण गर्न जरुरी रहेको छ । नगरपालिकाले पार्किङ्ग स्थल उपलव्ध गराए आफुहरु त्यहा जाने वताउने सफारी चालकहरु ीभडभाड हुने स्थानमै अटेर गरेर पार्किङ्ग गर्नाले चाडवाडमा थप समस्या वडने निश्चिय प्राय छ । यस तर्फ सम्बन्धित निकायको ध्यान जानु जरुरी छ ।
